السلام عليكم ورحمة الله وبركاته
حبيت احط موضوع خاص بيا يعني من كتابتي مش كلو نقل في نقل وكالعادة الموضوع في اختصاصي ( اللي فهم فهم مش لازم تعرفو ايه هوا هه)
دياما بنسمع جملة عيش احلى مافي اللحظة عموما وخاصة المصريين كشعار للشركة الإتصالات vodafone
الجملة دي لو الواحد يفكر فيها هيلاقيها بتحمل معنى كبير لسر السعادة
دايما تمر علينا اوقات حزينة اوقات سعيدة اوقات يئس اوقات تعاسة
لكن همنا كلو ازاي نعيش مبسوطين وسعداء
من اكبر اسباب الهم والتعاسة وعدم الاحساس بكثرة الاوقات السعيدة اللي بتمر بينا
هيا لما بيكون الواحد فينا في لحظة سعادة تلاقيه بيفكر في همه
مش بيسيب للسعادة وقت في نفسو علطول يطفي شمعة السعادة بالتفكير في همومه ودي احد اكبر اسبابالحزن او الهم
فا جملة عيش احلى مافي اللحظة
فعلا بتجسد ازاي ان الواحد كل لحظة سعادة بتمر بيه لازم يعيشها سعيدة
لازم ينسى كل مافي الدنيا ويكز في لحظة السعادة دي
ودا من اكبر الحاجات اللي هتحسسو انو انسان سعيد وهتخليه متفائل
تخليه يحس فعلا ان السعادة بتشغل حيز معقول من عمره او من عاطفته
يعني خلاص ادي للحظة السعادة حقها زي باقي اللحظات
وكمان من لامشاكل اللي بتزيد الواحد هم انو لما بيكون حزين او مهموم بيقعد يفكر في لحظات السعادة
ودا غلط خلاص انت مهموم فكر ازاي تنسى همك ولو مش بالدرجة الكاملة
لكن ازاي تخفف عن نفسك مش تضعفه هم فوق هم
السعادة فعلا مش بتشترى الانسان بيصنعها بنفسو
ممكن بتقال واحد حياتو تعيسة كلها هموم مش لاقي وظيفة جعان عريان كدا
مش هقول غير حديث النبي صلى الله عليه وسلم
( لو انكم توكلتم على الله حق توكله لرزقتم كالطير تغدو خماصا وتروح بطانا )
انا فعلا طولت في الكلام لكن كان ودي والله اقول كلام تاني لكن كفاية دا
وانا على فكرة بقبل اي وجهة نظر ضد الكلام دا ا معاه و الموضوع قابل للنقاش
مع خالص تقيدري/Hammo
الموضوعالأصلي :
( عيش احلى مافي اللحظة) دعوة للتأمل المصدر :
شبكه ومنتديات ايجى فور ايفرegy4ever 
