نكت صعيدى

موضوع: نكت صعيدى الأربعاء 04 نوفمبر 2009, 2:32 am

الصعايده مظلومين معا والله

احنا ليه مابنعرفش نقول نكت غير على الصعايده

في نكت كتير ممكن تتقال

على موقف مثلا

واسمع ده

مره واحد جاب دش كبير اوى وحاط على سطح العماره (ركز في السطح ده)

بس كان خايف العيال يلعبو فيه يبوظوه فاعمل عليه سور وباب

وكتب على الباب احترس من الكلب فضلت سيرت الكلب تنتشر في المنطفه كلها

لحد ماالبعض افتكره واحش

وفي يوم اتنين بيتحدو بعض فاوحد قال للتانى لو راجل اطلع عند الكلب الى على السطح

قالو ماشي انا مابخفش وطالع صاحبنا على السطح ونزل يجرى من الرعب

قابلو صاحبه وقالو شوفت الكلب قال لا شوفت الطبق الى بيكل فيه

هههههههههههههههههههههههههههههههههههههههههههههههههه

نكت كتير بس مش على الصعايده

ونسمع حكايه صعيدى مظلوم من تفكرنا

...........................

مرة واحد صعيدي إنما إيه ... حكايته حكاية

زرت صاحبي في محل له .. وقد بان عليه الحزن

فسألته مالك ؟

قاللي مفيش

أصل الراجل صاحب العماره ضايقني شوية

قلت له ... ليه بس ؟

قاللي : صعيدي ياعم

وبدأ يحكي لي حكايه أخونا الصعيدي

قاللي أنا لقيت القنوات الإسلامية حلوة وبتفيد ودعوة ... فقلت أجيب كارت دش علي الكمبيوتر بتاع المحل .. وأشغل عليه القنوات ..

قلت له : ( كل ده جميل )

قاللي مش جميل ... لإن صاحب العماره مارضيش ...

قاللي هو راجل صعيدي وغني وعنده عماير كتير ولما طلبت منه قاللي أنا ما بركبش أطباج دش فوج العماير بتاعتي ..

صاحبي قال ليه : أنا ملتزم ومش هشغل عليه ولا أغاني ولا أي شيء ده قنوات إسلامية بس

ولكن أصر الصعيدي علي موقفه ورفض تركيب أي دش فوق العمارة

أنا قلت في بالي يمكن خايف علي حمل العمارة او ان يحصل مشاكل بين السكان او أي شيء

ثم ذكر لي صديقي سبب رفض اخونا الصعيدي لتركيب الدش فوق العمارة

وكان السبب كالآتي :

أخونا الصعيدي شايف ان شكل الدش كده وهو راكب فوق العمارة

وكأنه

يجاهر الله بالمعاصي وكأنه يتحدى

يقف طبق الدش بكبر ووجهه للسماء وكأنه يجاهر الله بالذنوب

صحيح الأخ مش هيشغل عليه غير الخير ...
لكن الصعيدي جات له عقدة من شكل الدش

أنا قلت معقوله حد عنده الاحساس ده ؟؟
فاستحلفت صاحبي

قلت والله يا أخي قالك ده السبب ؟

قالي والله ده اللي حصل وقال له بالحرف :

مش عاجبني شكل الدش وهو باصص للسما وكأنه بيحارب ربنا

بس الأخ اتصرف وركب الطبق في العماره الي جنبه ونزل السلك علي المحل عنده

المهم ...

بغض النظر عن موقف الصعيدي صح ولا غلط أو فيه تشدد ولا لأ

لكنها أحاسيس فقدها الكثير ..

انهم يتأدبوا مع الله

والتأدب ده ينتج عنه أفعال ...

مش مجرد كلام ...

فقلت سبحان الله

كتير نسمع ونقول نكتة فيها مره واحد صعيدي : ونضحك ها ها ها ها ها ها

لكن أول مره أسمع واحد صعيدي بيقول : وكدت أبكي من قوله ...

اسأل الله العظيم أن يرزقنا الادب معه ومع نبيه صلي الله عليه وسلم ...

ويرزقنا الاحساس والقلب الرقيق الذي يحسن التعامل مع الله ...